“Правило веры”

Молитва Пророку, Предтече и Крестителю Господю ИОАННУ

20.05.2004

Эту молитву читают при головной боли

Пророк Иоанн ПредтечаКрестителю Христов, проповедниче покаяния, кающагося не презри мене, но, совокупляяся с вой Небесными, молися ко Владыце за мене, недостойнаго, унылаго, немощнаго и печального, во многая беды впадшаго, утружденнаго бурными помыслы ума моего.

Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем.

Что сотворю, не вем, и тебе, святый Иоанне, благодати тезоимените, яко тя пред Господем, по Богородице вем больша быти рожденных всех; ты бо сподобился еси коснутися верху Царя Христа, вземлющаго грехи мира, Агнца Божия, Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними.

Ей, Крестителю Христов, честный Предтече, крайний пророче, первый во благодати мучениче, постников и пустынников наставнице, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, яко падшагося многими грехи, обнови душу мою покаянием, яко вторым крещением омываяй грех, покаяние же проповедуяй во очищение коегождо от дел скверных; очисти убо мя, грехми оскверненнаго, и понуди внити, аможе ничтоже скверно входит в Царствие Небесное. Аминь.


Перейти к разделу >> Перейти к номеру >>

Наверх